با أسولف وشوفوا سالفتي ...

بسم الله الرحمن الرحيم
اللهم صل على محمد وآل محمد الطيبين الطاهرين

القعده تييب السوالف ، والسوالف تسحب سوالف فانيه
وإحنا بنسولف باللهجة العاميّة الحللللللللللللللووووووه
بس سوالفنا غير
وكل ما صارت من سوالف أهل لول وكلمات أهل لول
وأمثال أهل لول والحين
صارت أحلى وأحلى

وفضلاً ما نبغى الا الكلام المغبر
والكلام اليديد اللي بقراطيسه ما نمباه

وهذي أول سالفه

هذي كظام ويا صديقتها زكاي قاعدين يقربعوا في القدووهم يحشششششششششوا

كظام :- ويش أقول لش ويش أسولف لش ياوخيتي
زكّاي :- قولي وسولفي يا غناتي
كظام :- هذاك اليوم ما شفت ولد ييراننا النحيس الا يا ي يدق الجرنص لامن بغى ينفقع
زكاي :- فقع الله مرارته ان شاء الله
كظام :- عاد ويش أقول لش ، تعرفي ويش يمبى
زكاي :- ويش يمبى هالنحيس
كظام :- يقول تمبتهم طايحه فوق صدح بيتنا ويمبى يركب اييبها
زكاي :- شوفي شوفي قليل الحيا ، اللي ما يستحي ولا يختشي ويش يقول ، لكن ويش نقول شااااااااااه ولد منهوه ولد هل الخبلى
كظام :- اي والله صدقتي ، ما خذ الخباله منها

وحيفها مخلصه كظام من حشيها الا بدخله يارتهم أم جاسم
مفلات اليريدي المنجرد
أم جاسم :- منهيه الخبله اللي حااااشينها اليوم
كظام :- لا هذي وحده من فريق الغربي ، هاده ولادها ومخليتنهم كسيفين
أم جاسم :- الله يغربلها غربال
وسحبت قلم القدو من أيد زكاي بسرعه وقربعت فلافه أربعه خمسة أمواش وفلتت القلم وقامت طلعت

وين راحت ؟؟؟؟؟؟

_________________

هههههه

ما شاء الله ابداع راااقي ومميز

عودتينا على تواصلك الجميل

لك أرق واجمل تحياتي

مع الشكر الجزيل

_________________

قال الامام الحسين عليه السلام
إذا بدأ الرجل بكلام قبل سلام فلا تجيبوه

كل الشكر والتقدير للأخت " شلال عطر " على التصميم الراقي

سيتم تعليق التوقيع احتجاجا على ارتفاع الأسعار

www.zzrz.com/mlion.htm

الف شكر عاشق الرحيل وين العالم وين الردود هذي السالفه مكونه من عدة بارتات وراح انزل البارت لما اشوف ردود الحين راح انزل الجزء الثاني لعيون عاشقووووووووووو

بعد ما سحبت قلم القدو من أيد زكاي بسرعه وقربعت فلافه أربعه خمسة أمواش وفلتت القلم وقامت طلعت

راحت العزية

أم جسوم دخلت العزيه زي البرق اذا ضوّى وما شافوها الا قاعده في المطبخ .......

أم جسوم :- سلام عليكم

عصوم:- عليكم السلام ، إسم الله الرحمن الرحيم عليي وعلى عمري

أم جسوم :- شااااااااه ويش صاير عفر ، شايفه السعلو ولا شايفه السعلو

عصوم :- لا والله السعلو ما يخلعني كفر ما خلعتيني انتين .

أم جسوم :- أقول بلا هدره ، وين التتن المنقوع أمبى أندي ليي راس قدو أمبى أقند راسي عدل .
عصوم :- اللي تمبى تاكل التمره ترقى النخله ، المشنوز( المكنوز) لأهله
أم جسوم :- أهووووه عاد ، داني با أسوي ليي راس ولا أمبى أحد يشرب ويايي
عصوم :- قربعين كله ، منهوه اللي بيشرب وياش أصلاً
وقامت أم جسوم وبكرت القدو وندى التتن ويابت القلم وقامت تقربع كرررررررر قال كررررررررررر
وشوي الا داخله الملايه
الملايه :- أم جسوم ويش تسوي هنه
أم جسوم :- ويش أسوي ملايه ، أسوي عيش ولبن هههههه
الملايه :- قومي قمقم عصبش وطاحت ركبش قومي
أم جسوم :- أهوووووه بعدني ما قندت راسي
الملايه :- قنّدو أهل تحت على راسش الا قنّدو
أم جسوم :- هداويش ، ما يخلّوا أحد في حاله
الملايه :- اذا عودت وشفتش تقربعي في القدو البصري با أكسر البكّار على هامتش
وطلعت الملايه وخلّت أم جسّوم تتحرطم بروحها
وعصّوم مشغوله عنها
أم جسّوم :- لا طبنا ولا غدا الشر ، وين ما أروح مطروده
لكن با أروح عند شرّوفه عندها خوووووش قدو

وراحت الى شرّوفه ....لكن ويش سوت ويا شرّوفه ويا ريلها أبو سلمان ؟؟؟؟؟؟
_________________

هههههههههههههههههههههههههههههههه

بصراحه اللهجه خوش شي ههههه

يعطيك العافيه
_________________

واللة حسبت مسلسل قطيفي واني مستانسة بالهجة بعد
_________________

ههههههههههههههههه حبايبي ولعيونك راح انزل البارت الثالت يلا ابي اشوف تفاعلكم حبايبي

_________________

-----------
وراحت أم جسوم الى شرّوفه وما الباب الى الطاق دزت الباب ودخلت ، لا إحم ولا دستور ......
أم جسوم :- يا الله ...يا الله
شرّوفه :- بعد ويش دشيتي وخلاص
أم جسوم :- يو يو يو ...هذا ريلش هنيه قاعد وياش
شرّوفه :-شاااااااه وينه تمبينه يقعد
أم جسوم :- قواك الله أبو سلمان
أبو سلمان :- الله يقويش ....( وفي نفسه )الله يفكنا من بلاويش
أم جسوم :- هذاويش لاويش للحين قاعد في البيت ما رحت النخل له
شرّوفه :-وانتين ويش عليش منّه راح النخل ولا ماراح شاااااه رجلش هوه ولا رجلي
أم جسوم :- ما قنا شي يوووووه أكلتيني بقشوري
إسم الله عليي وعلى عمري
شرّوفه :-أيه ويش عليش منّه انتين ، لايكون ولد أمّش واني ما أدري
أم جسوم :- لا هوه ولد أمّي ولا أخو إختي
شرّوفه :- الحين ويش جايبنّش بيتنا
أم جسوم :- فجيتي عليي يا وخيتي ، قلت أجي أشوفش وأسولف وياش
أبو سلمان :- بتسولفي وياها قال بتسولفي وياها ، بتسولفي ويا القدو مووووه
أم جسوم :- وتحلى قعده بلا قدو
شرّوفه :-أيه والحين يالله قومي بكري القدو وندي التتن وحطي الجمر في المنقله
أم جسوم :- يوه يوه يوه ما تسوى علينا شربت موشين قدو
شرّوفه :-شوفي تمبي تشربي قومي سوي اللي قلتش إياه
أم جسوم :- يالله يالله با أقوم
شرّوفه :-إيه خليش هابة ريح زين
أم جسوم قامت وهيه تسوي الجمر وتبكر القدو شافت في المطبخ فوق التيبل نارجيلة أبو سلمان ريل شرّوفه
قامت وبكرتها وفتحت كيس التتن مال أبو سلمان وحطت ليها شوي في الراس وحطت جمره فوق الراس
وكررررررررررررررر كح كح كح كح
كرررررررررررررررر كح كح كح كح كح
كرررررررررررررر آآآآآآآآآآآآآآآآآآآآآآه

آآآآآآآآآآآآآآآآآآآآآآآه ......طراااااااااااااااااااخ

شروفه ويا ريلها سمعوا صوت الطيحه وجوا للمطبخ طياره
الا أم جسوم على الأرض متمدده
جابت شروفه راس بصل وقلاص ماي بارد
وفشخت راس البصل فوق راس أم جسوم وشممته وياها
وشوي الا أم جسوم فازه من الطيحه وهيه تصارخ الحقوني الحقوني ، قالت ليها شروفه :- خلاص خلاص لا تصارخي صارخوا عليش أهل تحت
أم جسوم :- يا علي ، ويش صار فيي
شرّوفه :- الا انتين ويش سويتي في المطبخ
أبو سلمان:- ويش سوت هالطايحة الحظ ، شربت ليها راس نارجيله الله وداخ راسها وطاحت وكسرت نارجيلتي
كسر الله راسها ولا تنكسر نارجيلتي
شرّوفه :- صحيح با أشوف با أشوف
وقامت وشافت النارجيله مشلوخه

وتطاولت قلاص الماي البارد و........
آآآآآآآآآآآآآآآآآه آآآآآآآآآآآآآآآآآآآآآآآآه
وما شافو الا شلايل أم جسوم وهيه تصادم في البيبان منحاشه من البيت وهيه تقول ....خبز خبزتيه إكليه يا أم جسوم

وما شفوا الا غبارها ....بس هيه وين دلفت ؟؟؟؟

_________________

بصراحه حلـــــــــــــــــوه سوالفها ام جسووووم
لازم نبي التكمله
ويسلموا على الطرح الحلو
والله سوالف تونس وماتنمل
بانتظارك ...
_________________
وتالــي من رحت المدارس حِرْت انا بأمـري .. وانذهـل فــكري .. ياعــلــي
ليش في كــل المنـــاهــج إسمـك امعتـَّــــــــم .. شنهــو أتعـلـَّــــم .. ياعــلــي

شنهـي هالدراســه .. فـكره لو سيـــاســـه .. وينـــه تاريخــــك .. ياعــلي

قصص ممتعة و جميلة...

تشكري عليهم.. silent